“மக்கள் விரும்பினால் மீண்டும் முதல்வர் ஆவேன்” – கர்நாடக முன்னாள் முதல்வர்!

{ karnataka minister sittaramaiya }
கர்நாடக மாநிலத்தின் ஹசன் பகுதியில் நடைபெற்ற நிகழ்ச்சி ஒன்றில் பேசிய கர்நாடக முன்னாள் முதல்வர் சித்தராமைய்யா, எதிர்க்கட்சிகள் ஒன்றிணைந்து தான் மீண்டும் நான் முதல்வராவதை தடுக்க முயல்கின்றனர் என்று கூறியுள்ளனர்.

கடந்த தேர்தலில் காங்கிரஸ் அதிக இடங்களில் வெற்றிபெற்றும் முதலமைச்சராக முடியாமல் போனது துரதிருஷ்டவசமானது எனக் கூறிய சித்தராமைய்யா, மக்கள் ஆசியிருந்தால் மீண்டும் முதல்வராவேன் என்று கூறியுள்ளார்.

கர்நாடகாவில் தற்போது மதசார்பற்ற ஜனதா தளம் மற்றும் காங்கிரஸ் கூட்டணி ஆட்சி நடைபெற்று வருகின்றது. மதசார்பற்ற ஜனதாதளத்திற்கு முதல்வர் பதவியை காங்கிரஸ் விட்டுக்கொடுத்தாலும் அக்கட்சித் தலைவர்கள் தொடர்ந்து அதிருப்தியில் உள்ளதாகவே கூறப்படுகின்றது.

இந்நிலையில் மீண்டும் முதல்வர் ஆவேன் என சித்தராமைய்யா கூறியிருப்பது குமாரசாமியின் முதல்வர் பதவிக்கு நெருக்கடியை ஏற்படுத்தியுள்ளதாக தகவல்கள் கூறுகின்றன.