வாட்ஸ் ஆப் வதந்தி: ஊர்மக்களால் அடித்துக்கொள்ளப்பட்ட பொறியியலாளர்!

கர்நாடகாவில், குழந்தையைக் கடத்த முயன்றதாக வாட்ஸ்ஆப்பில் பரவிய வதந்தியால், தகவல் தொழில்நுட்ப பொறியியலாளர் ஒருவர் கிராம மக்களால் அடித்துக் கொல்லப்பட்டார்.

ஹைதராபாத்தில் தகவல் தொழில்நுட்ப பொறியியலாளர்களாக பணியாற்றி வந்த முகமது ஆசம் (Mohammad Azam), பஷீர், சல்மான் மற்றும் அக்ரம் ஆகிய நால்வரும் விடுமுறைக்காக கர்நாடகாவுக்கு காரில் சென்றுள்ளனர்.

அப்போது முர்கி (Murki) என்ற கிராமத்தின் அருகே நின்று கொண்டிருந்த குழந்தைகளுக்கு சாக்லேட்டுகளை வழங்கி உள்ளனர். இதைப் பார்த்த கிராமவாசி ஒருவர், குழந்தைகளைச் சிலர் கடத்த முயல்வதாக வாட்ஸ் ஆப் குரூப்பில் பதிவிட்டுள்ளார்.

இதையடுத்து கூட்டமாக திரண்டு வந்த கிராமத்தினர், அந்த நான்கு இளைஞர்களையும் சுற்றிவளைத்து அடித்து உதைத்தனர்.

காரில் ஏரி நான்கு பேரும் தப்ப முயன்ற போது, கார் கட்டுப்பாட்டை இழந்து பள்ளத்திற்குள் கவிழ்ந்தது. அப்போதும் விடாமல், காருக்குள் சிக்கிய நான்குபேரையும் வெளியில் இழுத்து, அடித்து உதைத்துள்ளனர்.

இந்தத் தாக்குதலில், முகமது ஆசம் என்ற இளைஞர் சம்பவ இடத்திலேயே உயிரிழந்து விட்டார். மற்ற மூன்றுபேரும் படுகாயமடைந்தனர். தகவலறிந்து வந்த போலீசார், வதந்தி பரப்பிய வாட்ஸ் ஆப் அட்மின் உட்பட 32 பேரை கைது செய்தனர்.

Tags: Watts rumor engineer hit rumors

இந்தியா தமிழ் நியூஸ் இணையத்தளத்தில் அதிகம் வாசிக்கப்பட்டவை :