2 குழந்தைகளின் தாயை பாலியல் பலாத்காரம் செய்து உயிருடன் எரித்த கொடூரம்!

{ 2 rape mother children burning victim alive }

உத்தரப்பிரதேசத்தில் 2 குழந்தைகளின் தாயை பாலியல் பலாத்காரம் செய்த கும்பல் ஒன்று, அவரை கோவில் யாகசாலையில் வைத்து உயிருடன் எரித்த சம்பவம் நிகழ்ந்துள்ளது.

சம்பல் மாவட்டத்தின் ராஜ்புரா பகுதியில் 35 வயது பெண் ஒருவர், தமது கணவர் மற்றும் 2 குழந்தைகளுடன் வசித்து வந்தார்.

அவரது கணவர் கூலி வேலைக்காக காசியாபாத் சென்றிருந்த நிலையில், நேற்றிரவு சுமார் 2 மணியளவில் அவரது வீட்டுக்குள் நுழைந்த 5 பேர் கும்பல், பெண்ணை பாலியல் பலாத்காரம் செய்ததாகக் கூறப்படுகின்றது.

கும்பல் சென்றதும், நடந்த விவரங்களை உறவினர் ஒருவரிடம் செல்போன் மூலம் அந்த பெண் கூறியுள்ளார்.

அந்த நேரத்தில் மீண்டும் அங்கு வந்த கும்பல், பெண்ணை இழுத்துச் சென்று அருகில் உள்ள கோவில் யாகசாலையில் வைத்து தீவைத்து எரித்துவிட்டு, தப்பியோடியதாக கூறப்படுகின்றது.

இது தொடர்பாக, பெண்ணின் கணவர் புகார் அளித்ததன் பேரில் வழக்குப் பதிவு செய்த போலீஸார், பாலியல் பலாத்காரம் செய்த 5 பேர் கும்பலை தேடி வருகின்றனர்.

Tags: 2 rape mother children burning victim alive

இந்தியா தமிழ் நியூஸ் இணையத்தளத்தில் அதிகம் வாசிக்கப்பட்டவை :