பள்ளி பாடத்திட்டத்தில் இந்திய அரசியலமைப்பு! – அமைச்சர் செங்கோட்டையன்!

பள்ளி மாணவர்கள் அரசியலமைப்பு சட்டம் குறித்த தகவல்களை அறிந்து கொள்ள வேண்டும், எனவே ஆறாம் வகுப்பு முதல் 12 ஆம் வகுப்பு வரை பாடப்புத்தகத்தில் சட்டம் குறித்த பாடங்கள் இடம்பெறும் என பள்ளிக் கல்வித்துறை அமைச்சர் செங்கோட்டையன் தெரிவித்துள்ளார்.Indian constitution school curriculum – Minister Chengottai!

சட்டப்பேரவையில் கேள்வி நேரத்தின்போது பேசிய அதிமுக சட்டமன்ற உறுப்பினர் இன்பதுரை, பள்ளி பாடத்திட்டத்தில் அரசியல் அமைப்பு சட்டத்தின் சில அம்சங்களை சேர்க்க நடவடிக்கை எடுக்கப்படுமா என்று கேள்வி எழுப்பினார்.

இதற்கு பதில் அளித்த பள்ளிக் கல்வித்துறை அமைச்சர் செங்கோட்டையன், ஆறாம் வகுப்பு முதல் 12ம் வகுப்பு வரையிலான பாடபுத்தகத்தில் அரசியலமைப்பு குறித்த சில பகுதிகளை இணைப்பது தொடர்பாக நடவடிக்கை எடுக்கப்பட்டு வருவதாக கூறினார். இதன் மூலம் இந்திய அரசியலமைப்பு சட்டம் குறித்து அறிந்து கொள்ள முடியும் எனவும் அவர் தெரிவித்தார்.

மேலும், திமுக உறுப்பினர் காளிமுத்து எழுப்பிய மற்றொரு கேள்விக்கு பதில் அளித்த செங்கோட்டையன், மாற்றான் தோட்டத்து மல்லிகைக்கும் மனம் உண்டு என்பதுபோல், எதிர்க்கட்சினரின் தொகுதிகளிலும் வளர்ச்சிப்பணிகள் மேற்கொள்ளப்பட்டு வருவதாக கூறினார்.