Type to search

அப்துல்கலாம் வார்த்தைகளை பின்பற்றி புதுச்சேரி மாணவி சாதனை…

INDIA

அப்துல்கலாம் வார்த்தைகளை பின்பற்றி புதுச்சேரி மாணவி சாதனை…

Share
  •  
  •  
  •  
  •  
  •  
  •  
  •  
  •  

புதுச்சேரி, ரெட்டியார்பாளையம் பகுதியை சேர்ந்தவர் தேவசேனா. இவரது தந்தை முருகன் மற்றும் தாயார் அய்யம்மாள்.puducherry student’s achievement abdul kalam’s words india tamilnews

புதுச்சேரியில் உள்ள தனியார் பள்ளியில் 9ம் வகுப்பு பயின்று வரும் தேவசேனா, முன்னாள் குடியரசுத்தலைவர் அப்துல் கலாமை வாழ்வில் முன்னுதாரணமாக கொண்டு பல்வேறு பள்ளிகளில் நடைபெறும் அறிவியல் கண்காட்சிகளில் பங்கேற்று, தனது கண்டுபிடிப்புகளை காட்சிப்படுத்தி வருகிறார்.

ராணுவத்தில் பணிபுரியும் அவரது உறவினர் ஒருவருடன் பேசியபோது, அவர்களின் நிலை பற்றி அறிந்து ராணுவ வீரர்களுக்கென தனது பங்களிப்பு இருக்க வேண்டும் என்ற எண்ணம் தேவசேனாவுக்கு உதித்ததாக அவரது தாயார் தெரிவித்துள்ளார்.

நாகை மாவட்டம் தரங்கம்பாடியில் உள்ள ஹைடெக் ரிசர்ச் நிறுவன நிர்வாகிகளின் ஒத்துழைப்புடன் பேட்டரியில் இயங்கும் தெர்மல் சிஸ்டம் என்ற கருவியை தேவசேனா வடிவமைத்தார்.

அனைத்து தட்பவெப்ப சூழலிலும் பயன்படுத்தும் வகையில் உருவாக்கப்பட்ட அக்கருவியை ராணுவ சீருடையில் பொருத்தி சோதனை மேற்கொள்ள முடிவு செய்த தேவசேனா, அவர் படிக்கும் பள்ளியின் மூலம் புதுச்சேரி துணைநிலை ஆளுநர் கிரண்பேடியின் அனுமதியை பெற்றார்.

ராணுவ சீருடையில் முதுகுப்பகுதியில் பொருத்தி பின்னர் பிரித்து எடுக்கும் வகையில் பொருத்தி சோதனைக்கு உட்படுத்தியுள்ளார். முதலில் அக்கருவியின் எடை 2 கிலோவில் இருந்து, அதை ஒரு கிலோவாக மாற்றி பின்னர் 750 கிராம் அளவிற்கு குறைத்துள்ளார்.

தான் வடிவமைத்த கருவியை உலோகம் அல்லாத பைபர் பயன்படுத்தி எடை குறைக்கும் செயலில் மாணவி தேவசேனா ஈடுபட்டுள்ளார்.

தான் வடிவமைத்துள்ள இக்கருவி, ராணுவத்துறை சோதனையில் வெற்றி பெறும் என்பதுடன் நாட்டிற்கு தனது பங்களிப்பு நிச்சயம் இருக்கும் என்றும் நம்பிக்கையுடன் புன்னகைக்கின்றார் தேவசேனா.

இந்தியா தமிழ் நியூஸ் இணையத்தளத்தில் அதிகம் வாசிக்கப்பட்டவை :

மேலதிக தமிழ் நியூஸ் இணையத்தளங்கள் :


  •  
  •  
  •  
  •  
  •  
  •  
  •  
  •  
Tags:

You Might also Like