Type to search

மும்பையில் பெய்துவரும் கனமழையால் ஒரே நாளில் 7 பேர் உயிரிழப்பு!

INDIA

மும்பையில் பெய்துவரும் கனமழையால் ஒரே நாளில் 7 பேர் உயிரிழப்பு!

Share
  • 1
  •  
  •  
  •  
  •  
  •  
  •  
  •  
    1
    Share

{ mumbai heavy rain }

மராட்டிய மாநில தலைநகர் மும்பை மற்றும் குஜராத்தில் வெளுத்துவாங்கும் கனமழையால் இயல்பு   மாநிலத்தில் கனமழைக்கு ஒரே நாளில் 7 பேர் உயிரிழந்தனர்.

தென்மேற்கு பருவமழை தீவிரமடைந்துள்ளதால், மராட்டிய மாநிலத்தின் மும்பை மற்றும் புறநகர்ப் பகுதிகளில் கடந்த சில நாட்களாக கனமழை கொட்டி வருகிறது. இதனால், பல்வேறு பகுதிகளில் மழைநீர் தேங்கியதுடன், தண்டவாளங்களையும் வெள்ளம் சூழ்ந்துள்ளது.

மின்சார ரயில்களும், வெளியூர் ரயில்களும் ஆங்காங்கே நிறுத்தப்பட்டுள்ளதால், பயணிகள் கடும் அவதியடைந்துள்ளனர். தண்டவாளங்களை தண்ணீர் சூழ்ந்துள்ளதால், நடுவழியில் நிறுத்தப்பட்டுள்ள ரயில்களில் பயணிகளை மீட்கும் நடவடிக்கைக்கு தேசிய பேரிடர் மீட்புக்குழுவினர் பயன்படுத்தப்படுகின்றனர். மோசமான வானிலை மற்றும் ஓடுதளங்களில் மழை நீர் தேங்கியதன் காரணமாக விமானங்களும் தாமதமாகவே இயக்கப்படுவதாக விமான நிலைய அதிகாரிகள் தெரிவித்துள்ளனர்.

இந்நிலையில், மழைவெள்ளத்தால் பாதிக்கப்பட்ட மக்களுக்கு தேவையான உதவிகளை வழங்க அரசு நடவடிக்கை எடுத்துள்ளதாக கூறிய முதலமைச்சர் தேவேந்திர பட்னவிஸ், மழைவெள்ளம் சூழ்ந்த பகுதிகளில் சிக்கியுள்ளவர்களை மீட்க தீயணைப்புப்படை மற்றும் கடற்படை வீரர்கள் பயன்படுத்தப்பட்டு வருவதாக தெரிவித்துள்ளார்.

குஜராத் மாநிலத்தில் ராஜ்கோட், அகமதாபாத், வதோதரா, வெரவல், மஹுவா, வால்சாத் ஆகிய பகுதிகளில் கனமழை பெய்ததால், சாலைகளில் தண்ணீர் பெருக்கெடுத்து ஓடுகிறது.

சாலையோரங்களில் நிறுத்தப்பட்டிருந்த வாகனங்கள் தண்ணீரில் தத்தளிக்கும் நிலையில், தாழ்வான பகுதிகளில் உள்ள வீடுகள், வணிக வளாகங்களுக்குள் தண்ணீர் புகுந்தது. இதனால், வீடுகளை விட்டு, வெளியே வரமுடியாமல் தவிக்கும் பொதுமக்கள் மழைநீர் புகுந்த வீடுகளிலேயே செய்வதறியாது முடங்கியுள்ளனர்.

உத்தரகாண்ட் மாநிலத்திலும் பல இடங்களில் கனமழை கொட்டி வருவதால், பள்ளிகள், கல்லூரிகளுக்கு விடுமுறை அளிக்கப்பட்டுள்ளன. கடந்த 2 நாட்களாக பெய்துவரும் கனமழையால், அங்குள்ள ஆறுகளில் வெள்ளம் பெருக்கெடுத்து ஓடுகிறது.

தலன்வாலா, சஹாஸ்பூர், பல்லிவாலா ஆகிய இடங்களில் வெள்ளத்தில் 3 பேர் அடித்துச் செல்லப்பட்ட நிலையில், கனமழையால் டேராடூனில் கட்டிடம் இடிந்துவிழுந்து 4 பேர் உயிரிழந்தனர். பல இடங்களில் மலைச் சாலைகளில் நிலச்சரிவு ஏற்பட்டு, வாகனப் போக்குவரத்து முடங்கியுள்ளது. இந்நிலையில், மேலும் 3 நாட்களுக்கு கனமழை நீடிக்கும் என இந்திய வானிலை ஆய்வு மையம் அறிவித்துள்ளது.

Tags: mumbai heavy rain

இந்தியா தமிழ் நியூஸ் இணையத்தளத்தில் அதிகம் வாசிக்கப்பட்டவை :

மேலதிக தமிழ் நியூஸ் இணையத்தளங்கள் :


  • 1
  •  
  •  
  •  
  •  
  •  
  •  
  •  
    1
    Share
Tags:

You Might also Like