என் தொண்டர்களை ஓ.பி.எஸ் மயக்கிவிட்டார்! – தீபா குற்றச்சாட்டு!

Sakthi Raj 8 months ago

அரசியல் ரீதியாக தன்னை ஏமாற்றிய ஓ.பி.எஸ், தன்னுடைய தொண்டர்களை அவரின் பக்கம் இழுத்துக் கொண்டதாக ஜெயலலிதாவின் அண்ணன் மகள் ஜெ.தீபா குற்றஞ்சாட்டியுள்ளார்.obsessed volunteers – deepa’s accusation

திருச்சியில் செய்தியாளர்களை சந்தித்த எம்.ஜி.ஆர். அம்மா தீபா பேரவை பொதுச் செயலாளர் ஜெ.தீபா, துணை முதலமைச்சர் ஓ.பன்னீர் செல்வம் தன்னை அரசியல் ரீதியாக ஏமாற்றிவிட்டு தன்னிடம் இருந்த தொண்டர்களை அவரது பக்கம் இழுத்துக்கொண்டதாக குற்றஞ்சாட்டினார்.

இதனால்தான் அவருடைய செல்வாக்கு உயர்ந்ததாக கூறிய ஜெ.தீபா, தமிழகத்தில் எடப்பாடி பழனிசாமி ஆட்சி நீடித்தால் மக்கள் வாழ முடியாத சூழ்நிலை ஏற்படும் என்றம் கூறினார்.

மத்தியிலும், மாநிலத்திலும் சர்வாதிகார ஆட்சி தான் நடந்து கொண்டிருப்பதாக கூறிய அவர், மக்களவை மற்றும் சட்டமன்ற தேர்தல்கள் நடக்குமா? என்பதே சந்தேகம் என்றும் ஜெ.தீபா தெரிவித்தார்.

பண மோசடி, ஜெயலலிதாவின் வீட்டிற்கு உரிமை கொண்டாடியது, தம்பியுடன் சண்டை என தொடர்ந்து செய்திகளில் இடம்பிடித்து கொண்டிருந்த ஜெ.தீபா கடந்த சில நாட்களாக செய்தியாளர்களிடமிருந்து ஒதுங்கியே இருந்தார்.

இந்நிலையில் திருச்சியில் அவர் செய்தியாளர்களிடம் ஓ.பி.எஸ் குறித்து குற்றச்சாட்டை முன்வைத்தது பரபரப்பை ஏற்படுத்தியுள்ளது.