Type to search

இயக்குநர் திவ்ய பாரதியை கைது செய்ய முயற்சி! – த.மு.எ.ச கடும் கண்டனம்!

India Top Story Tamil nadu

இயக்குநர் திவ்ய பாரதியை கைது செய்ய முயற்சி! – த.மு.எ.ச கடும் கண்டனம்!

Share
  • 10
  •  
  •  
  •  
  •  
  •  
  •  
  •  
    10
    Shares

ஆவணப்பட இயக்குநர் திவ்யபாரதியை கைது செய்ய முயற்சி செய்து வருவதுடன், இன்று அவரது வீட்டை அதிகாலையில் சுற்றி வளைத்து போலீஸ் சோதனை செய்திருப்பதற்கு தமிழ்நாடு முற்போக்கு எழுத்தாளர் கலைஞர்கள் சங்கம் கடும் கண்டனம் தெரிவித்துள்ளது.director divya bharathi trying arrest – DMK condemned!

இதுகுறித்து தமுஎகச மாநிலத்தலைவர் சு.வேங்கடேசன். பொதுச்செயலாளர் ஆதவன் தீட்சண்யா ஆகியோர் வெயிட்டுள்ள அறிக்கையில் கூறியிருப்பதாவது : மதுரை மாவட்ட தமுஎகசவில் மாவட்டக்குழு உறுப்பினராக இருப்பவர் திவ்யபாரதி. ஏற்கனவே “கக்கூஸ்” என்கிற ஆவணப்படத்தை இயக்கியிருக்கிறார், வழக்கறிஞராகவும் பணியாற்றி வருகிறார்.

இவர் தற்போது ஒக்கி புயல் பாதிப்புகள் குறித்து “ஒருத்தரும் வரலே” என்கிற ஆவணப்படத்தை இயக்கிவருகிறார். சமீபத்தில் அதன் முன்னோட்டக்காட்சி (டீஸர்) வெளியாகி பல்லாயிரக்கணக்கானோர் பார்த்துள்ளனர்.

இந்நிலையில் நேற்று (02.07.18) சேலம் க்யூ பிராஞ்ச் போலிசார் என்று சொல்லிக்கொண்ட சிலர் திவ்யபாரதியின் தந்தையிடம் சென்று இந்தப் படம் பற்றிய தகவல்களை கேட்டு மிரட்டியுள்ளனர். தனக்கு தெரியாது என அவர் தெரிவித்துவிட்ட நிலையில் இன்று அதிகாலை 5 மணி முதலே பெண் காவலர்கள் உட்பட 15 க்கும் மேற்பட்ட போலீசார் திவ்யபாரதியின் வீட்டை சுற்றிவளைத்து வீட்டுக்குள் அத்துமீறி நுழைந்துள்ளனர்.

அவரது “ஒருத்தரும் வரலே” படத்தின் வீடியோ எங்கிருக்கிறது என வீடு முழுவதும் தேடியுள்ளனர். வீட்டில் இருந்த அவரது கணவர் கோபாலை திவ்யா எங்கே எனக் கேட்டு மிரட்டிவிட்டு சென்றுள்ளனர்.

தொடர்ந்தும் திவ்யபாரதியின் நடமாட்டத்தை கண்காணித்து வந்த போலிசார், இன்று பிற்பகல் அவர் நீதிமன்றம் சென்றிருந்தபோது அங்கும் வந்து திவ்யபாரதியின் வண்டிச்சாவியை வலுக்கட்டாயமாக பிடுங்கிக்கொண்டு எங்களுடன் வா விசாரிக்கணும் என மிரட்டியுள்ளனர். அவருக்கு ஆதரவாக வந்த வழக்கறிஞர்களுடனும் போலீசார் வாக்குவாதம் செய்துள்ளனர்.

காவல்துறையினரின் இத்தகைய போக்கை வன்மையாக கண்டிக்கின்றோம். அரசியல் சட்டம் வழங்கியுள்ள கருத்து வெளிப்பாட்டுச் சுதந்திரத்தின் படியாக இயங்கும் ஒருவரது கலைச் செயல்பாட்டு உரிமையில் இதுபோல அராஜகமான முறையில் போலீசார் தலையிடுவதை ஒருபோதும் ஏற்கமுடியாது.

உரிய காரணங்கள் சொல்லாமலும் உரிய ஆவணங்கள் இல்லாமலும் வீட்டை சோதனையிடுவதும் விசாரணைக்கு ஒருவரை அழைக்கும் போது கடைபிடிக்க வேண்டிய சட்ட வழிகாட்டுதல்கள் எதையும் பின்பற்றாமல் விசாரணைக்கு அழைப்பதும், நீதிமன்ற வளாகத்திலேயே அத்துமீறி நடப்பதும் சட்டமீறலாகும்.

கருத்துச்சுதந்திரத்தை கைக்கொள்ள விடாமல், அச்சுறுத்தி முடக்கும் இம்முயற்சியில் ஈடுபட்டுள்ள போலீசார் மீது உரிய நடவடிக்கை எடுக்கவேண்டுமென தமிழக அரசை வலியுறுத்துகிறோம். கருத்துரிமை மீதும் கலைச்செயல்பாட்டின்மீதும் நம்பிக்கை கொண்டோர் அனைவரும் காவல்துறையின் இந்த அராஜகச்செயலை கண்டிக்க முன்வருமாறு கேட்டுக்கொள்கிறோம் என்று அறிக்கையில் தெரிவிக்கப்பட்டிருக்கிறது.

இன்னும் பல சுவாரஸ்யமான செய்திகள் :

மேலதிக தமிழ் நியூஸ் இணையத்தளங்கள் :

  • 10
  •  
  •  
  •  
  •  
  •  
  •  
  •  
    10
    Shares
Tags: