Type to search

பகை தீர்க்க, குதிரையின் கழுத்தை அறுத்து கொடூரம்!

INDIA CRIME Tamil nadu

பகை தீர்க்க, குதிரையின் கழுத்தை அறுத்து கொடூரம்!

Share
  • 15
  •  
  •  
  •  
  •  
  •  
  •  
  •  
    15
    Shares

சென்னை நடுக்குப்பத்தைச் சேர்ந்தவர் ராஜேஷ். திருமணத்தின்போது, மணமக்களை அழைத்துச் செல்லும் சேரியட் வண்டியை வைத்து இவர் தொழில் செய்து வந்துள்ளார். இதற்காக, ஸ்டீபன், விசாலி எனும் பெயர்கள் கொண்ட இரண்டு குதிரைகளை ராஜேஷ் வளர்த்து வருகிறார்.horse horror cut neck knife chennai

இதே பகுதியைச் சேர்ந்த கோகுல் என்பவர் சிறைக்குச் செல்ல ராஜேஷ் காரணமாக இருந்ததாகக் கூறப்படுகிறது. சிறையில் இருந்து வெளியே வந்த கோகுல், ராஜேஷைத் தேடி அவரது வீட்டிற்கு வந்துள்ளார். ராஜேஷ் வீட்டில் இல்லாத நிலையில், கோகுலும், அவருடன் வந்த 4 பேருமாகச் சேர்ந்து வீட்டிலிருந்த குதிரையின் கழுத்தை அறுத்துள்ளனர். தகவல் அறிந்து வந்த ராஜேஷ், குதிரையை வேப்பேரியில் உள்ள கால்நடை மருத்துவக் கல்லூரி மருத்துவமனையில் சிகிச்சைக்காக அனுமதித்துள்ளார்.

தங்கள் குழந்தைகளைப் பார்த்துக் கொள்வது போல், குதிரைகளை பார்த்து வந்ததாக கூறும் ராஜேஷின் மனைவி செல்வி, குதிரையின் கழுத்தை அறுத்தவர்கள் மீது காவல்துறையினர் உரிய நடவடிக்கை எடுக்க வேண்டும் என கேட்டுக்கொண்டுள்ளார்.

கால்நடைகளை கொடுமை படுத்துவோரை இந்திய தண்டனை சட்டம் 429-ன் கீழ் 5 ஆண்டுகள் வரை சிறையில் தள்ள முடியும் என தெரிவிக்கும் ப்ளு கிராஸ் அமைப்பு, சம்பந்தப்பட்ட குற்றவாளிகள் மீது போலீசார் உரிய நடவடிக்கை எடுக்க வேண்டும் எனக் கேட்டுக் கொண்டுள்ளது.

கழுத்தறுபட்ட குதிரைக்கு 50 தையல்கள் போடப்பட்டுள்ளதாகக் கூறும் கால்நடை மருத்துவக் கல்லூரி மருத்துவர்கள், குதிரை தற்போது குணமடைந்து வருவதாகத் தெரிவித்துள்ளனர். இந்த சம்பவம் தொடர்பாக ராஜேஷ் அளித்த புகாரின் அடிப்படையில், குதிரையின் கழுத்தை அறுத்த கோகுல் உள்ளிட்ட இருவரை போலீசார் கைது செய்தனர். மேலும் ஒருவரை போலீசார் தேடி வருகின்றனர்.

இன்னும் பல சுவாரஸ்யமான செய்திகள் :

மேலதிக தமிழ் நியூஸ் இணையத்தளங்கள் :

  • 15
  •  
  •  
  •  
  •  
  •  
  •  
  •  
    15
    Shares
Tags: