Type to search

பொன்.ராதாகிருஷ்ணன் குற்றச்சாட்டு! – புள்ளி விபரங்களுடன் முதல்வர் பதிலடி!

India Head Line Tamil nadu

பொன்.ராதாகிருஷ்ணன் குற்றச்சாட்டு! – புள்ளி விபரங்களுடன் முதல்வர் பதிலடி!

Share
  • 15
  •  
  •  
  •  
  •  
  •  
  •  
  •  
    15
    Shares

தமிழகம் அமைதிப் பூங்காவாக இல்லை என்ற மத்திய அமைச்சர் பொன்.ராதாகிருஷ்ணன் குற்றச்சாட்டுக்கு முதலமைச்சர் எடப்பாடி பழனிசாமி புள்ளி விபரங்களுடன் பதில் அளித்துள்ளார். தற்போது நடைபெற்று வரும் ஆட்சியில் கொலை கொள்ளை வழிப்பறி சம்பவங்கள் குறைந்திருப்பதாக அவர் கூறியுள்ளார்.details explanation chief minister edapaadi

தமிழகம் அமைதிப் பூங்காவாக இல்லை எனவும் தீவிரவாதிகள் நடமாட்டம் அதிகரித்துள்ளதாகவும் மத்திய இணை அமைச்சர் பொன்.ராதாகிருஷ்ணன் கூறி வருகிறார். இது தொடர்பாக முதலமைச்சரின் பதில் என்ன என எதிர்க்கட்சித் தலைவர் மு.க.ஸ்டாலின், சட்டமன்றத்தில் கேள்வி எழுப்பினார்.

இதற்குப் பதிலளிக்கும் விதத்தில் முதலமைச்சர் தமிழக காவல்துறை சார்பாக கொள்கை விளக்கக் குறிப்பு ஒன்றைத் தாக்கல் செய்தார். அதில் 2015ஆம் ஆண்டு முதல் 2017ஆம் ஆண்டு வரை மொத்தம் 5,46,289 குற்ற வழக்குகள் பதிவு செய்யப்பட்டுள்ளதாக தெரிவித்தார்.

இதில் வழிப்பறி சம்பவங்களைப் பொருத்த வரை 2015ஆம் ஆண்டு ஆயிரத்து 763 வழக்குகளும், 2016ஆம் ஆண்டு ஆயிரத்து 680 வழக்குகளும், 2017ஆம் ஆண்டு ஆயிரத்து 850 வழக்குகளும் பதிவு செய்யப்பட்டுள்ளன. திருட்டு சம்பவங்களில் 2015ஆம் ஆண்டு 11,196 வழக்குகளும், 2016ஆம் ஆண்டு 12 ஆயிரத்து 128 வழக்குகளும், 2017ஆம் ஆண்டு 15,422 வழக்குகள் பதிவாகி உள்ளன எனத் தெரிவித்தார்.

மேலும் கடந்த மூன்று ஆண்டுகளில் சாலை விபத்து தொடர்பாக 2,06,052 வழக்குகள் பதிவாகி உள்ளன என்றும் இந்த மூன்று ஆண்டுகளில் சாலை விபத்துகளில் 49017 பேர் உயிரிழந்துள்ளனர் என்றும் முதலமைச்சர் எடப்பாடி பழனிசாமி தெரிவித்துள்ளார்.

கொள்ளையர்கள் கும்பலாக சேர்ந்து கொள்ளையடித்தது தொடர்பாக கடந்த இரண்டு ஆண்டுகளைவிட 54 வழக்குகள் அதிகமாகி உள்ளதாகவும் கடந்தாண்டில் மட்டும் 59,679 இதர குற்ற வழக்குகள் பதிவாகி உள்ளதாகவும் அவர் தெரிவித்தார்.

2017ஆம் ஆண்டைவிட நடப்பாண்டில் பெண்களுக்கு எதிரான குற்ற வழக்குகளில் பாலியல் தொடர்பான வழக்குகள் குறைந்துள்ளதாகவும் முதலமைச்சர் கூறினார்.

குற்ற வழக்குகள் எண்ணிக்கை விவரம் :

வழக்குகள்                                        2015          2016          2017

வழிப்பறி                                            1,763          1,680          1,850

திருட்டு                                               11,196          12,128          15,422

சாலை விபத்து                               69,059          71,431          65,562

சாலை விபத்து மரணம்             15,642          17,218         16,157

கூட்டுக் கொள்ளை                      80                83                134

இதர குற்றங்கள்                            59,177          55,510          59,679

இன்னும் பல சுவாரஸ்யமான செய்திகள்

மேலதிக தமிழ் நியூஸ் இணையத்தளங்கள் :

  • 15
  •  
  •  
  •  
  •  
  •  
  •  
  •  
    15
    Shares
Tags: