பெண்ணை மிரட்டி பாலியல் வன்கொடுமை செய்த கிறிஸ்துவ பாதிரியார்கள்!

கேரளாவின் கோட்டயத்தை தலைமையிடமாகக் கொண்டு செயல்பட்டு வரும் மலங்கரா ஆர்தாடக்ஸ் தேவாலயத்தைச் சேர்ந்த ஒருவர், பாதிரியார் ஒருவரிடம் செய்த தவறுக்கு பாவமன்னிப்பு கோரிய தன்னுடைய மனைவி தெரிவித்த தகவல்களை பதிவு செய்து வைத்துக்கொண்டு தேவாலயத்தைச் சேர்ந்த பாதிரியார்கள் சிலர், கடந்த சில ஆண்டுகளாகவே அவரை மிரட்டி பாலியல் வன்கொடுமை செய்து வருவதாக அதிர்ச்சிகர புகாரை அளித்தார்.christian priests sexually harassed woman!

கடந்த பிப்ரவரி மாதம் தனது மனைவியின் மின்னஞ்சல் தகவல்களை பார்த்த போது அதில், 5 நட்சத்திர ஓட்டல் ஒன்றில் தங்கியிருந்ததற்காக அதிக தொகையை அவர் டெபிட் கார்டு மூலமாக செலுத்தியிருந்தது தெரியவந்துள்ளது. பின்னர் இது குறித்து கேட்டபோது தான் அதிர்ச்சிகர தகவல்களை அவரின் மனைவி அவரிடம் தெரிவித்துள்ளார்.

இவர்களின் திருமணத்திற்கு முன்பே ஒரு பாதிரியாருடன் அப்பெண்ணிற்கு தொடர்பு இருந்ததாகவும், பின்னர் இவர்களின் குழந்தைக்கு மலங்கரா தேவாலயத்தில் ஞானஸ்தானம் செய்த போது, மன உளைச்சல் அதிகமானதால் அங்கிருந்த ஒரு பாதிரியாரிடம் பாவ மன்னிப்பு கோரியுள்ளார்.

இதனை பதிவு செய்து வைத்துக்கொண்ட அந்த பாதிரியார், இதனை அப்பெண்ணின் கணவரிடம் தெரிவித்துவிடுவதாக மிரட்டி பாலியல் வன்கொடுமை செய்துள்ளார். இதனை யாருக்கும் தெரியாமல் வீடியோவாக எடுத்து வைத்த அப்பாதிரியார், வெவ்வேறு தேவாலயங்களைச் சேர்ந்த சில பாதிரியார்களுக்கும் அனுப்பிவைத்தார்.

இதனை வைத்தே அவர்களும் அப்பெண்ணை மிரட்டி பாலியல் வன்கொடுமையில் ஈடுபட்டு வந்துள்ளனர். அந்த வீடியோவானது டெல்லியில் உள்ள ஒரு பாதிரியாருக்கு அனுப்பி வைக்கப்பட்டுள்ளது.